05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Բուֆոնի որդին Չեխիայի Մ19 հավաքականի կազմում 3 գոլ է խփել Ադրբեջանի դեմ խաղում
13.11.2025 | 13:40
Իտալացի լեգենդար դարպասապահ Ջանլուիջի Բուֆոնի որդի Լուի Բուֆոնը Չեխիայի մինչև 19 տարեկանների հավաքականի կազմում հեթ-տրիկի հեղինակ է դարձել ադրբեջանցիների դեմ Եվրոպայի Մ19 առաջնության որակավորման փուլի առաջին տուրի խաղում։
Չեխերն այդ խաղում տնային հաղթանակ են տարել 6։1 հաշվով։ 17-ամյա հարձակվող Լուի Բուֆոննը 3 գոլերն էլ խփել է երկրորդ խաղակեսում։
Լուի Բուֆոնը խաղում է Ա սերիան ներկայացնող «Պիզա» ակումբում, որի կազմում այս մրցաշրջանում նորամուտն է նշել Իտալիայի առաջնությունում։ Նրա մայր Ալյոնա Շերեդովան ազգությամբ չեխ է։
Հիշեցնենք, որ Լուիի հայրը՝ Ջանլուիջի Բուֆոնը, 1997–2018 թվականներին խաղացել է Իտալիայի ազգային հավաքականում, որի կազմում 2006թ․ դարձել է աշխարհի չեմպիոն։
