27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ռոնալդու․ Ձգտում ենք արժանիորեն ավարտել ԱԱ-2026-ի ընտրական փուլը
13.11.2025 | 13:05
Պորտուգալիայի հավաքականի ավագ Կրիշտիանու Ռոնալդուն խոսել է Իռլանդիայի դեմ ԱԱ-2026-ի ընտրական մրցաշարի F խմբի 5-րդ տուրի հանդիպման մասին։
«Ես շատ երջանիկ եմ, հրաշալի հարաբերություններ ունեմ գլխավոր մարզիչ Ռոբերտո Մարտինեսի հետ և ցանկանում եմ շարունակել նույն ոգով։ Ձգտում ենք արժանիորեն ավարտել ընտրական փուլը և շատ դրական ենք տրամադրված։ Իռլանդիայի հավաքականը շատ կազմակերպված ու կոմպակտ է պաշտպանվելու։ Երկրպագուների աջակցությունը լինելու է նրանց առավելությունը։ Հասկանում ենք, որ հեշտ հանդիպում չի լինելու։ Մրցակիցը ֆիզիկապես ուժեղ է, բայց մենք պետք է ցուցադրենք մեր ֆուտբոլը»,- նախախաղային ասուլիսի ընթացքում ասել է Սաուդյան Արաբիայի «Ալ Նասրի» 40-ամյա ֆուտբոլիստը։
Պորտուգալացիները նոյեմբերի 13-ին Դուբլինում խաղալու են Իռլանդիայի հավաքականի հետ, իսկ 3 օր անց Պորտուի «Դրագաու» ստադիոնում վերջին տուրի հանդիպումը կանցկացնեն Հայաստանի հավաքականի դեմ։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
