09.06.2026 | 15:19
Պուտինի և Նեթանյահուի կալանքի օրդերը տված ՄՔԴ գլխավոր դատախազը հեռացվել է պաշտոնից
Դեսպան Փոլադյանն իր հավատարմագրերն է հանձնել Օմանի սուլթանին
Քաղաքականություն
12.11.2025 | 21:53
Օմանի Սուլթանությունում Հայաստանի նորանշանակ դեսպան Հրաչյա Փոլադյանը նոյեմբերի 12-ին իր հավատարմագրերն է հանձնել Օմանի սուլթան Հայսամ բին Տարիկ Ալ Սաիդին։ Հանդիպման ընթացքում կողմերը քննարկել են Հայաստան–Օման երկկողմ հարաբերությունների զարգացումը և համագործակցության նոր հնարավորությունները՝ ընդգծելով Հայաստանում Օմանի դեսպանության հիմնումի կարևորությունը: Այս մասին տեղեկացնում են ՀՀ ԱԳՆ-ից։
«Առանձնազրույցի ընթացքում դեսպան Փոլադյանն Օմանի սուլթանին է փոխանցել ՀՀ նախագահ Վահագն Խաչատուրյանի ողջույնները: Անդրադարձ է կատարվել Հայաստան-Օման երկկողմ օրակարգի ընդլայնմանն ուղղված մի շարք հարցերի:
Օմանի սուլթանը հաջողություն է մաղթել դեսպան Փոլադյանին իր առաքելության մեջ՝ առանձնանշելով Օմանում Հայաստանի ռեզիդենտ դեսպանության հիմնումը՝ որպես Հայաստան-Օման քաղաքական հարաբերությունների հետագա զարգացմանը և տնտեսական համագործակցության խորացմանն ուղղված կարևոր քայլ»,- ասված է հաղորդագրությունում:
