16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
«Ասֆալտին փռելով առևանգել են»․ խուլիգանության հատկանիշներով քրեական վարույթ է նախաձեռնվել
Քաղաքականություն
12.11.2025 | 18:42
Առավոտյան «Մայր Հայաստան» ժողովրդական շարժման ֆեյսբուքյան էջում հրապարակում էր հայտնվել, որ «առևանգել են բլոգեր Օնո Հարությունյանին», որն աջակցում է «Մայր Հայաստան»-ին։ Երևանի ավագանու «Մայր Հայաստան» խմբակցության անդամ Գևորգ Ստեփանյանն է տեսանյութով մանրամասներ պատմել միջադեպից։
«Կուսակցության տարածքից անհայտ անձինք, ինչպես հարիր է ներկա իշխանություններին, ասֆալտին փռելով առևանգել են «Մայր Հայաստան» կուսակցության աջակից, բլոգեր Օնո Հարությունյանին։ Նա Էջմիածնի խայտառակ կառավարման փաստերն է ներկայացնում և հենց շտաբի դիմացից առևանգեցին ու չգիտենք՝ ուր տարան»,- ասել էր Ստեփանյանը։
Քննչական կոմիտեից Factor.am-ին հայտնեցին, որ տեղեկատվական կամ հաղորդակցական տեխնոլոգիաներն օգտագործելով խուլիգանության հատկանիշնեով քրեական վարույթ է նախաձեռնվել։ Քրեական վարույթի նախաքննությունը շարունակվում է։
Ավելի վաղ էլ ՆԳՆ-ից տեղեկացրել էին, որ 1 անձ ձերբակալվել է։
Արփի Հակոբյան
