30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Աշխարհի գավաթ․ Շանթ Սարգսյանը և Գաբրիել Սարգսյանը կխաղան թայ-բրեյք, Արոնյանը հաջորդ փուլում է
12.11.2025 | 19:10
Հնդկաստանում շարունակվող ՖԻԴԵ-ի շախմատի աշխարհի գավաթի չորրորդ փուլի երկրորդ պարտիաներում ևս Հայաստանը ներկայացնող երկու գրոսմայստերները ոչ-ոքի խաղացին։
Շանթ Սարգսյանը սպիտակ խաղաքարերով ոչ-ոքի գրանցեց գերմանացի գրոսմայստեր Ֆրեդերիկ Սվանեի հետ, որը նախորդ խաղափուլում պայքարից դուրս էր թողել աշխարհի գործող չեմպիոն, հնդիկ Գուկեշ Դոմարաջուին:
Գաբրիել Սարգսյանը սպիտակ ֆիգուրներով խաղաղ դաշն կնքեց ԱՄՆ-ն ներկայացնող գրոսմայստեր Ավոնդեր Լիանգի հետ:
Այս մրցամարտերի առաջին պարտիաներում ևս հաղթող չէր եղել։ Հաղթողները կորոշվեն նոյեմբերի 13-ին՝ արագ և կայծակնային շախմատի թայ-բրեյքում:
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը լեհ գրոսմայստեր Ռադոսլավ Վոյտաշեկի դեմ երկրորդ պարտիան ավարտեց ոչ-ոքի և դուրս եկավ հաջորդ փուլ։ Առաջին մրցախաղում Արոնյանը հասել էր հաղթանակի։
Ամերիկահայ Սամուել Սևյանը երկրորդ պարտիայում ևս ոչ-ոքի խաղաց իտալացի գրոսմայստեր Լորենցո Լոդիչիի հետ։
