31.10.2026 | 13:33
Ամերիկյան ինդեքսները նվազել են
Պուտինն ու Տոկաևը ռազմավարական գործընկերության հռչակագիր են ստորագրել
Քաղաքականություն
12.11.2025 | 19:54
Ռուսաստանի և Ղազախստանի նախագահներ Վլադիմիր Պուտինը և Կասիմ-Ժոմարտ Տոկաևը հռչակագիր են ստորագրել երկրների հարաբերությունները համապարփակ ռազմավարական գործընկերության և դաշնակցության մակարդակի հասցնելու վերաբերյալ։ Ստորագրման արարողությունը տեղի է ունեցել Կրեմլում առաջնորդների բանակցություններից անմիջապես հետո։
Կասիմ-Ժոմարտ Տոկաևը հռչակագրի ստորագրումն անվանել է Մոսկվա կատարած իր այցի հիմնական նպատակներից մեկը։ Նա նշել է, որ այս փաստաթուղթը «կբացի երկկողմ հարաբերությունների նոր դարաշրջան՝ հաստատելով փոխադարձ վստահության աննախադեպ մակարդակը և բոլոր ոլորտներում ավելի սերտ համագործակցության համատեղ հանձնառությունը»։
Ռուսաստանի նախագահի մամուլի քարտուղար Դմիտրի Պեսկովը նշել է, որ Ղազախստանը Ռուսաստանի ռազմավարական և «հատուկ գործընկերն» է։
Տոկաևը Մոսկվա է ժամանել նոյեմբերի 11-ին։ Այցի առաջին օրը նա մոտ երկու ժամ զրուցել է Վլադիմիր Պուտինի հետ ոչ պաշտոնական հանդիպման ժամանակ։ Այսօր երկու առաջնորդները պաշտոնական բանակցություններ են վարել՝ քննարկելով «քաղաքական, առևտրային, տնտեսական, ներդրումային և հումանիտար համագործակցությանը վերաբերող հարցերի լայն շրջանակ»։
ՌԴ նախագահը Տոկաևի հետ երկխոսությունը որակել է բովանդակալից և արդյունավետ։
Թարգմանությունը՝ Էմմա Չոբանյանի
