01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Փաշինյանը «բացարձակ անհեթեթություն» է որակել ՌԴ ԱՀԾ-ի հայտարարությունը, որ ՀՀ-ն, իբր, ցանկանում է հրաժարվել ռուսական հացահատիկից՝ հօգուտ ավելի թանկ ուկրաինականի
Տնտեսություն
12.11.2025 | 13:12
Քաղաքական պատճառներով Հայաստանը մտադիր է հրաժարվել ռուսական հացահատիկից՝ հօգուտ Եվրամիության հաշվին ֆինանսավորվող ավելի թանկ ուկրաինական հացահատիկի։ Այս մասին հայտարարել է ՌԴ արտաքին հետախուզության ծառայությունը, գրում է ՏԱՍՍ-ը։
«Տարիներ շարունակ Հայաստանը հացահատիկ է գնել Ռուսաստանից։ Հիմա, քաղաքական պատճառներով, հայերը, ինչպես ասում են, «ցանկանում են ազատվել» Մոսկվայից և օգնել Ուկրաինային՝ գնելով անհրաժեշտ ծավալներն անկախ երկրից։ Սակայն խնդիրն այստեղ այն է, որ ուկրաինական հացահատիկն ավելի թանկ է»,- ասվում է հայտարարության մեջ՝ հավելմամբ․ «Ահա այսպիսի Երևանի համբույր»։
ՀՀ Ազգային ժողովում լրագրողների հետ ճեպազրույցում արձագանքելով ռուսական կողմի այս հայտարարության մասին հարցին՝ վարչապետ Նիկոլ Փաշինյանը կարճ մեկնաբանել է․ «Բացարձակ անհեթեթություն է»։
Թարգմանությունը՝ Էմմա Չոբանյանի
