16.09.2026 | 15:53
FIA-ն ներկայացրել է Ֆորմուլա-1-ի օրացույցը 2027-ին. ԼՈՒՍԱՆԿԱՐ
Ձեր տեսած լավագույն սեյվերից․ ՈՒԵՖԱ-ի ալիքը վերհիշել է Հենրի Ավագյանի տպավորիչ խաղը․ ՏԵՍԱՆՅՈՒԹ
12.11.2025 | 11:53
ՈՒԵՖԱ-ի պաշտոնական ալիքը վերհիշել է Հայաստանի ազգային հավաքականի դարպասապահ Հենրի Ավագյանի տպավորիչ սեյվերն Իռլանդիայի թիմի դեմ ԱԱ-2026-ի ընտրական մրցաշարի F խմբի նախորդ տուրի խաղում։
«Լավագույն սեյվերից մի քանիսը, որոնք դուք երբևէ տեսել եք»,- նշված է տեսանյութի նկարագրությունում։
Իռլանդացիների դեմ արտագնա խաղում Հայաստանի հավաքականը պարտվել էր նվազագույն հաշվով, իսկ Երևանի «Փյունիկի» դարպասապահը մի քանի դրվագում իր թիմին փրկել էր գոլից։
Այս օրերին Հենրի Ավագյանը Հայաստանի հավաքականի կազմում պատրաստվում է Հունգարիայի և Պորտուգալիայի թիմերի դեմ ԱԱ-2026-ի ընտրական մրցաշարի F խմբի հանդիպումներին։ Եղիշե Մելիքյանի գլխավորած թիմը նոյեմբերի 13-ին Վազգեն Սարգսյանի անվան «Հանրապետական» մարզադաշտում կընդունի հունգարացիներին, իսկ 3 օր անց Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
