09.06.2026 | 10:10
NYMEX. Թանկարժեք մետաղների գները նվազել են
Արմավիրում պայթել է գազալցակայանում լիցքավորվող «GAZelle»-ի գազաբալոնը. կա տուժած
11.11.2025 | 23:30
Ահազանգ է ստացվել, որ Արմավիր քաղաքի Երևանյան փողոցի վերջնամասում՝ գազալցակայանում, պայթել է բեռնատար ավտոմեքենա։
ՆԳՆ Փրկարար ծառայությունը մանրամասներ է հայտնել դեպքից։
«Պարզվել է, որ պայթել է գազալցակայանում լիցքավորվող «GAZelle» մակնիշի ավտոմեքենայի գազաբալոնը։
Պայթյունի հետևանքով վնասվել են կայանած «VAZ», «Mercedes-Benz» և «BMW» մակնիշների ավտոմեքենաները։
Մինչ փրկարարների կանչի վայր հասնելը՝ մեկ տուժած տեղափոխվել է բժշկական կենտրոն։
Փրկարարները սահմանազատել են տարածքը, հոսանքազրկել «VAZ» և «GAZelle» մակնիշների ավտոմեքենաները, փակել գազի բալոնների փականները և իրականացրել հերթապահություն մինչ «GAZelle» մակնիշի ավտոմեքենայի մյուս գազաբալոնում եղած գազի պարպվելը»,- ասված է հաղորդագրությունում:
