14.09.2026 | 11:45
«Փարքինգի նոր տրամաբանություն քննարկեք, որ ինչ-որ միջին մակարդակի չինովնիկներ սև փող չաշխատեն»․ Ավինյան. ՏԵՍԱՆՅՈՒԹ
ԿՈՂԲԱՎԱՆՑԻ ՓՈՔՐԻԿՆԵՐԻ ՄԵԾ ՀՈԳՍԸ. Կյանքը նոր Հայաստանի հին գյուղերում. մաս 8. ՏԵՍԱՆՅՈՒԹ
Քաղաքականություն
30.10.2018 | 18:47
Արմավիրի մարզի Կողբավան գյուղը մարզկենտրոնից հեռու է 33 կմ: Կողբավանը բնակավայրի կարգավիճակ է ստացել 1991-ին` 1986-ին հիմնադրված սովխոզի հիմքի վրա: Այսօր գյուղում ապրում է 20 ընտանիք` 70 բնակչով: Կողբավանում չկա ոչ դպրոց, ոչ մանկապարտեզ, ոչ էլ՝ անգամ խանութ: Գյուղի 6 աշակերտները կրթություն ստանալու համար հասնում են 9 կմ հեռու գտնվող Վանանդ գյուղ։ Նրանց տեղափոխում է Հովիկ պապի հնամաշ «Գազ 24» մեքենան, որը գազով լիցքավորելու խնդիրը ստիպված են հոգալ աշակերտների ծնողները։ Ձմռանը երբեմն հնամաշ այդ մեքենան գործի գցելու եւ տաքացնելու համար տակը կրակ են անում, երբեմն խնդիրներ են ծագում անիվների հետ եւ երեխաները ստիպված են լինում մի քանի օրով բաց թողնել դասերը։ Հիմնադրման օրվանից գյուղում չկա նաեւ խմելու ջուր։ Տարիներ ի վեր՝ շաբաթական երեք անգամ ջուրը բերվել է 13կմ հեռու Երվանդաշատ գյուղից։ Արդեն մի քանի ամիս է՝ կողբավանցիները ստիպված են սեփական միջոցներով հոգալ խմելու ջրի խնդիրը, համայնքային մեքենան շարքից դուրս է եկել, իսկ համայնքապետարանն էլ միջոցներ չունի խմելու ջուրը գյուղ հասցնելու համար։
Մանրամասները՝ տեսանյութում
