Քաղաքականություն
11.11.2025 | 22:33
Արդարադատության նախարար Սրբուհի Գալյանը հանդիպել է ՀՀ-ում Եվրոպական միության պատվիրակության ղեկավարին և ԵՄ անդամ պետությունների դեսպաններին։ Քննարկվել են արդարադատության ոլորտի բարեփոխումների ընթացքը, վիզաների ազատականացման գործընթացը, սահմանադրական փոփոխությունները, դատավարությունների թվայնացումը և մարդու իրավունքների պաշտպանությանն առնչվող հարցեր։ Այս մասին տեղեկացնում են ՀՀ արդարադատության նախարարությունից։
«Նախարարը շնորհակալություն է հայտնել Եվրոպական միությանն ու անդամ պետություններին՝ ամուր գործընկերության համար։
Նախարարը նշել է, որ ոլորտային բարեփոխումները ոչ միայն ներքին օրակարգի մաս են, այլև մեր իրավական դաշտը և ինստիտուտները եվրոպական չափանիշներին մոտեցնելու շոշափելի քայլ՝ դրանով իսկ ամրապնդելով ժողովրդավարական ինստիտուտները, պահպանելով իրավունքի գերակայությունը և ապահովելով մարդու իրավունքների պաշտպանությունը։
Հանդիպմանն անդրադարձ է կատարվել հետևյալ թեմաներին․
Սրբուհի Գալյանը ներկայացրել է նաև մի շարք ոլորտներում իրականացված օրենսդրական փոփոխությունները։
Հանդիպման ավարտին նախարարը նշել է, որ Արդարադատության նախարարությունը բարձր է գնահատում գործընկերությունը Եվրոպական միության և դրա անդամ պետությունների հետ։
Հանդիպմանը ԵՄ անդամ երկրների դեսպանները հարցեր են ուղղել նախարարին»,- ասված է հաղորդագրությունում։
