14.02.2026 | 17:25
Բաքվում պատրա՞ստ են հայկական ապրանքներ գնել. հարց ադրբեջանցի փորձագետին. ՏԵՍԱՆՅՈՒԹ
ԱԽ քարտուղարն ու ԵՄ անդամ երկրների դեսպանները քննարկել են վիզաների ազատականացման գործընթացի զարգացումները
Քաղաքականություն
11.11.2025 | 19:45
ԱԽ քարտուղար Արմեն Գրիգորյանը նոյեմբերի 11-ին ընդունել է ՀՀ-ում հավատարմագրված ԵՄ անդամ երկրների դեսպաններին։ Քննարկվել են Հայաստան–ԵՄ հարաբերությունների ընթացիկ օրակարգը, վիզաների ազատականացման գործընթացի զարգացումները, ինչպես նաև տարածաշրջանային խաղաղության հաստատման հետ կապված հարցերը։ Այս մասին տեղեկացնում են ԱԽ գրասենյակից:
«Հանդիպման ընթացքում ԱԽ քարտուղարը ներկայացրել է օգոստոսի 8-ին Վաշինգտոնում Հայաստանի և Ադրբեջանի միջև ձեռք բերված պայմանավորվածությունները և ընդգծել, որ դրանց արդյունքում տարածաշրջանում հաստատվել է խաղաղություն։
Արմեն Գրիգորյանն անդրադարձ է կատարել Հայաստան-Եվրոպական Միություն և Հայաստան-ԵՄ անդամ պետությունների հետ համագործակցության ընթացիկ օրակարգին, ինչպես նաև կարևորել վիզաների ազատականացման գործընթացի շրջանակներում տեղի ունեցած վերջին զարգացումները։
Հանդիպման երկրորդ հատվածում ԱԽ քարտուղարը պատասխանել է դեսպանների հարցերին»,- ասված է հաղորդագրությունում։
