12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ռոնալդուն հաստատել է՝ ԱԱ-2026-ը վերջինն է լինելու իր կարիերայում
11.11.2025 | 19:16
Պորտուգալիայի հավաքականի ավագ, Սաուդյան Արաբիայի առաջնության առաջատար «Ալ Նասրի» հարձակվող Կրիշտիանու Ռոնալդուն հայտարարել է, որ 2026թ․ աշխարհի առաջնությանը վերջինը կլինի իր կարիերայում։
«Այո, դա ճիշտ է։ Աշխարհի առաջնության ժամանակ ես կլինեմ 41 տարեկան, դա կլինի վերջին Մունդիալն իմ կարիերայում։ Ինչպես արդեն նշել եմ, պարզապես վայելում եմ պահը»,- ասել է 40-ամյա Ռոնալդուն Սաուդյան Արաբիայում անցկացվող տուրիստական ֆորումի ժամանակ։
Հիշեցնենք, որ «Ոսկե գնդակի» 5-ակի դափնեկիրը 2003 թվականին է նորամուտը նշել Պորտուգալիայի հավաքականում, որի պատմության լավագույն ռմբարկուն է՝ 225 խաղ, 143 գոլ։
ԱԱ-2026-ի ընտրական մրցաշարում պորտուգալացիները Հայաստանի հավաքականի մրցակիցներից են։ Չորրորդ տուրից հետո F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
