29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
ՌԴ-ն պատրաստ է զիջել սերբական նավթային ընկերության նկատմամբ վերահսկողությունը
Քաղաքականություն
11.11.2025 | 21:27
Սերբիայի միակ նավթավերամշակման գործարանի՝ NIS-ի ռուսաստանցի սեփականատերերը ԱՄՆ ֆինանսների նախարարությանը, որը պատժամիջոցներ է կիրառել ընկերության նկատմամբ, տեղեկացրել են, որ պատրաստ են գործարանի վերահսկողությունը զիջել երրորդ կողմին։ Այս մասին հաղորդում է «Ինտերֆաքս»-ը՝ հղում անելով Սերբիայի էներգետիկայի նախարար Դուբրավկա Ջեդովիչ-Հանդանովիչի՝ սերբական RTS հեռուստաալիքին տված հարցազրույցին, փոխանցում է BBC-ի ռուսական ծառայությունը։
«Գազպրոմնեֆտ»-ը տիրապետում է NIS-ի 44,9% մասնաբաժնին, մինչդեռ «Գազպրոմ»-ը՝ 11,3%-ին (հիմնականում իր կողմից վերահսկվող ընկերության միջոցով)։ Սերբիայի կառավարությունը տիրապետում է 29,9%-ին։
Ջեդովիչ-Հանդանովիչի խոսքով՝ ռուս սեփականատերերն ԱՄՆ ֆինանսների նախարարության Արտասահմանյան ակտիվների վերահսկողության գրասենյակին (OFAC) խնդրում են երկարացնել իրենց գործունեության լիցենզիան, և Սերբիայի կառավարությունն աջակցում է նրանց խնդրանքին:
NIS-ն ԱՄՆ պատժամիջոցների ցուցակում հայտնվել է 2025 թվականի հունվարին։ Մի քանի հետաձգումներից հետո դրանք ուժի մեջ են մտել հոկտեմբերի 8-ին։
Թարգմանությունը՝ Էմմա Չոբանյանի
