09.06.2026 | 17:17
ԱԺ հանձնաժողովները քննարկում են 2025 թվականի պետբյուջեի կատարողականը. ՈՒՂԻՂ
Երևանի պարեկները թունավորում ստացած երեխային հասցրել են ԲԿ․ նրա կյանքին վտանգ չի սպառնում
Հասարակություն
10.11.2025 | 22:14
Երևանում պարեկները օպերատիվ արձագանքել են ՆԳՆ ոստիկանության Օպերատիվ կառավարման կենտրոն ստացված ահազանգին և թունավորում ստացած երեխային ծնողների հետ միասին արագ տեղափոխել են հիվանդանոց։ Նրա կյանքին վտանգ չի սպառնում։ Այս մասին տեղեկացնում են ՆԳՆ ոստիկանությունից։
«ՆԳՆ ոստիկանության Օպերատիվ կառավարման կենտրոն զանգահարած քաղաքացին հայտնել է, որ թունավորում ստացած երեխային պետք է արագ տեղափոխել բժշկական կենտրոն և անհրաժեշտ է պարեկների օգնությունը։
Ահազանգը փոխանցվել է Գարեգին Նժդեհի-Արշակունյաց խաչմերուկում այդ պահին ծառայություն իրականացնող Պարեկային ծառայության կարգախմբին։
Պարեկները րոպեների ընթացքում մոտեցել են երեխային և ծնողների հետ միասին տեղափոխել հիվանդանոց։ Նրա կյանքին վտանգ չի սպառնում»,- ասված է հաղորդագրությունում։
