19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
Ֆրանսիական դատարանի որոշմամբ՝ Սարկոզին ազատ կարձակվի
Քաղաքականություն
10.11.2025 | 17:39
Փարիզի դատարանը որոշել է, որ Ֆրանսիայի նախկին նախագահ Նիկոլա Սարկոզին վաղաժամկետ ազատ կարձակվի բանտից, գրում է The Guardian-ը։
Փարիզի դատարանը հաստատել է Սարկոզիի վաղաժամկետ ազատ արձակումը բանտից՝ փոխարենը հրահանգելով նրան «դատական հսկողության» տակ դնել մինչև նրա վերաքննիչ բողոքի լսումը։ BFM հեռուստաընկերությունը հաղորդում է, որ նա այսօր ազատ կարձակվի բանտից։
Սարկոզիի փաստաբան Քրիստոֆ Ինգրեյնը շատ կարճ է արձագանքել դատավճռին՝ ասելով, որ այսօրվա որոշումը միայն առաջին քայլն էր, և որ «հաջորդ քայլը վերաքննիչ դատավարությունն է»։
«Եվ մեր գործն այժմ՝ Նիկոլա Սարկոզիի և մեզ համար, վերաքննիչ լսմանը նախապատրաստվելն է»,- ասել է նա։
Հիշեցնենք, որ Ֆրանսիայի 70-ամյա նախկին նախագահը մեղավոր էր ճանաչվել դավադրության մեջ ու հինգ տարվա ազատազրկման դատապարտվել՝ կապված նրա մերձավոր օգնականների կողմից 2007 թվականի նախագահական ընտրությունների համար Լիբիայի հանգուցյալ առաջնորդ Մուամմար Քադաֆիից միջոցներ հայթայթելու ջանքերի հետ։ Նա արդարացվել է մնացած բոլոր դրվագներով մեղադրանքներից, այդ թվում՝ կոռուպցիայի և քարոզարշավի անօրինական ֆինանսավորում ստանալու։
Սարկոզիի բանտարկության դատավճիռն անմիջապես կիրառվել էր։ Ֆրանսիան 2007-ից մինչև 2012 թվականներին ղեկավարած Սարկոզին անցյալ ամիս բանտարկվել էր Փարիզի Լա Սանտե բանտում։
Թարգմանությունը՝ Էմմա Չոբանյանի
