28.10.2026 | 19:53
Փլուզում՝ Երևանի տներից մեկում․ կան տուժածներ
Աշխարհի գավաթ․ Հայ շախմատիստների նոր մրցակիցները
10.11.2025 | 17:50
Հայաստանը ներկայացնող երկու գրոսմայստերներ Շանթ Սարգսյանը և Գաբրիել Սարգսյանն իմացել են մրցակիցներին Հնդկաստանում ընթացող ՖԻԴԵ-ի շախմատի աշխարհի գավաթի չորրորդ փուլում:
Շանթ Սարգսյանը կմրցի գերմանացի գրոսմայստեր Ֆրեդերիկ Սվանեի հետ, որը նախորդ խաղափուլում պայքարից դուրս է թողել աշխարհի գործող չեմպիոն, հնդիկ Գուկեշ Դոմարաջուին:
Գաբրիել Սարգսյանի մրցակիցը կլինի ԱՄՆ-ն ներկայացնող գրոսմայստեր Ավոնդեր Լիանգը:
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը կխաղա լեհ գրոսմայստեր Ռադոսլավ Վոյտաշեկի հետ, իսկ ամերիկահայ Սամուել Սևյանը՝ իտալացի գրոսմայստեր Լորենցո Լոդիչիի հետ։
Չորրորդ փուլի առաջին պարտիաները կմեկնարկեն նոյեմբերի 11-ին՝ Երևանի ժամանակով 13:30-ին:
Հիշեցնենք, որ Հայաստանի ներկայացուցիչներից աշխարհի գավաթին մասնակցում էին նաև Ռոբերտ Հովհաննիսյանը և Կարեն Գրիգորյանը, որոնք դուրս են մնացել պայքարից։ Մրցաշարն անցկացվում է նոկաուտ ձևաչափով՝ 8 խաղափուլով: Յուրաքանչյուր փուլում մասնակիցները խաղում են երկու դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
