31.10.2026 | 17:52
Վանաձորում վթարի է ենթարկվել շտապօգնության մեքենա
Վարչապետի ասած թվերի չերևացող կողմը․ քանի օտարերկրյա աշխատող կա Հայաստանում
Տնտեսություն
10.11.2025 | 16:50
ՀՀ վարչապետ Նիկոլ Փաշինյանը հոկտեմբերի 23-ի կառավարության նիստի ժամանակ հայտարարեց, թե «առաջին անգամ պատմականորեն Հայաստանում գրանցված և աշխատավարձով ապահովված աշխատատեղերի թիվը հատել է 800 000-ի սահմանը»՝ կազմելով 805,687, և դա 2018-ի սեպտեմբերի համեմատ ավելի է 38 %-ով։ Սակայն այս իրողությունն ունի նրբություններ, որոնց մասին վարչապետը չի խոսում։ Օրինակ՝ նա մշտապես հրապարակում է աշխատատեղերի, բայց ոչ աշխատողների թիվը, առավել ևս՝ երբևէ չի նշել, թե դրանցից քանի՞սն են զբաղեցնում ՀՀ քաղաքացիներ, քանի՞սը՝ օտարերկրյա։
Factor.am-ը ՊԵԿ-ից պարզել է, որ 2025 թվականի սեպտեմբերի դրությամբ Հայաստանում գրանցված աշխատատեղերի թիվը 807,242 է (վարչապետի հայտարարությունից հետո ցուցանիշները փոփոխվել են՝ ուշ ներկայացված և ճշտված հաշվարկների հիման վրա), իսկ աշխատողների քանակը՝ 723,372, այսինքն՝ 83,870 մարդ աշխատում է մեկից ավելի գործատուի մոտ։
Ընդ որում՝ 2025-ի սեպտեմբերի դրությամբ ՀՀ քաղաքացի աշխատողների քանակը 704,292 է։ Հայաստանում այդ ժամանակ եղել է մոտ 20 հազար օտարերկրյա քաղաքացի գրանցված աշխատող։ ՀՀ քաղաքացի աշխատողների քանակը 2024 թվականի սեպտեմբերի համեմատ աճել է 4%-ով, իսկ 2018-ի սեպտեմբերի համեմատ՝ 32․8%-ով։
Գայանե Խաչատրյան
