06.04.2026 | 15:00
Ես զինվորների լողանալու հարցով ի պաշտոնե չեմ զբաղվում. Արման Սարգսյան․ ՏԵՍԱՆՅՈՒԹ
Վարազդատ Հարոյանը վերադարձել է խաղադաշտ․ ՏԵՍԱՆՅՈՒԹ
10.11.2025 | 15:25
Հայաստանի ազգային հավաքականի նախկին ավագ Վարազդատ Հարոյանը տևական ընդմիջումից հետո հանդիպման է մասնակցել հունգարական «Կազինբարցիկայի» կազմում։
«Ֆերենցվարոշի» դեմ Հունգարիայի առաջնության 13-րդ տուրի խաղում 33-ամյա պաշտպանը դաշտ է դուրս եկել մեկնարկային կազմում ու փոխարինվել 87-րդ րոպեին։ «Կազինբարցիկան» տնային պարտություն է կրել 1։3 հաշվով ու 10 միավորով վերջին` 12-րդ տեղում է։
Նախորդ 5 խաղերում Վարազդատ Հարոյանը կամ չէր ընդգրկվել հայտացուցակում, կամ խաղաժամանակ չէր ստացել։ Հայ ֆուտբոլիստը նախորդ խաղն անցկացրել էր սեպտեմբերի 27-ին։
Հունգարիայի ընթացիկ առաջնությունում Հարոյանը մասնակցել է 8 խաղի, խփել 1 գոլ ու ստացել 4 դեղին քարտ։ Նա այս տարվա ամռանն է Երևանի «Փյունիկից» տեղափոխվել «Կազինբարցիկա», որի հետ գործող պայմանագիրը նախատեսված է մինչև 2026թ․ հունիսի 30-ը։
