29.07.2026 | 20:51
Ադրբեջանում քաղաքացին դատապարտվել է 15 օրվա վարչական կալանքի՝ WhatsApp-ում Էրդողանի մասին գրառման համար
Թուրքիան նոյեմբերի 11-12-ը Ստամբուլում կհյուրընկալի Գազայի օգնության համաշխարհային գագաթնաժողովը
Քաղաքականություն
10.11.2025 | 23:02
Թուրքիայից և 48 այլ երկրներից ավելի քան 200 հաստատություններ կմասնակցեն նոյեմբերի 11-12-ը Ստամբուլում կայանալիք Գազայի մարդասիրական օգնության միջազգային գագաթնաժողովին, գրում է Turkiye today-ը։
Թուրքիայի Դիյանեթ հիմնադրամի (TDV) կողմից կազմակերպված միջոցառումը նպատակ ունի լուսաբանել Գազայի խորացող մարդասիրական ճգնաժամը և խթանել միջազգային համերաշխությունը «Գազայի ապագան» թեմայով։ Ըստ կազմակերպիչների խոսքով՝ գագաթնաժողովը կհավաքի ավելի քան 400 մասնակցի, այդ թվում՝ քաղաքացիական հասարակության ներկայացուցիչներ, մարդու իրավունքների պաշտպաններ, գիտնականներ և լրատվամիջոցների մասնագետներ։
Երկօրյա համաժողովը կկենտրոնանա Գազայի անհետաձգելի մարդասիրական կարիքների վրա, այդ թվում՝ ենթակառուցվածքներին, առողջապահական ծառայություններին, կրթությանը և բնակարաններին հասցված վնասի։ Այն նաև ձգտում է խթանել կայուն օգնությունը և երկարաժամկետ վերականգնման ռազմավարությունները հրադադարի հաստատումից հետո։
Կազմակերպիչները նշել են, որ կանցկացվեն հինգ սեմինարներ՝ Գազային համապարփակ և համակարգված մարդասիրական աջակցություն ցուցաբերելու ուղիները ուսումնասիրելու համար։ Գագաթնաժողովի ավարտին սպասվում է վերջնական հռչակագրի ընդունում։
Թարգմանությունը՝ Էմմա Չոբանյանի
