06.04.2026 | 15:00
Ես զինվորների լողանալու հարցով ի պաշտոնե չեմ զբաղվում. Արման Սարգսյան․ ՏԵՍԱՆՅՈՒԹ
Բացահայտվել է 253 հանցագործություն, որոնցից 10-ը՝ նախկինում կատարված
Հասարակություն
10.11.2025 | 16:19
ՆԳՆ ոստիկանությունից հայտնում են, որ նախորդ երեք օրերի ընթացքում բացահայտվել է 253 հանցագործություն, որոնցից 10-ը՝ նախկինում կատարված:
Մասնավորապես՝
☑️51 դեպք` տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
☑️37 դեպք՝ թմրանյութի հայտնաբերման,
☑️18 դեպք՝ մարմնական վնասվածք պատճառելու,
☑️15 դեպք՝ ֆիզիկական ներգործության,
☑️13 դեպք՝ անձնական ունեցվածքի գողության,
☑️12 դեպք՝ հոգեկան ներգործունեության,
☑️11 դեպք՝ խարդախության,
☑️9 դեպք՝ խուլիգանության,
☑️7-ական դեպք՝ աշխատանքի պաշտպանության կանոնները խախտելու, սառը զենքի հայտնաբերման,
☑️5-ական դեպք՝ ծառերը, թփերը ապօրինի հատելու, փաստաթուղթ կեղծելու,
☑️4-ական դեպք՝ ինքնիրավչության, զենք-զինամթերքի առգրավման,
☑️3 դեպք՝ գույքը ոչնչանցելու կամ վնասելու,
☑️2-ական դեպք՝ բուժաշխատողի կողմից մասնագիտական պարտականությունները չկատարելու, ապօրինի ձեռնարկատիրական գործունեության, անձի տիրապետությունից դուրս եկած գույքին տիրանալու։
Բացահայտվել է նաև կողոպուտի, շորթման, թմրանյութի իրացման, կենդանիների նկատմամբ դաժան վերաբերմունքի, փաստաթղթեր կեղծելու, ընդերքի պահպանման կամ օգտագործման պահանջները խախտելու, անհետաձգելի միջամտության որոշումը չկատարելու և այլ դեպքեր։
Նախկինում կատարված հանցագործություններից բացահայտվել է՝
☑️4 դեպք՝ շորթման,
☑️2 դեպք՝ անձնական ունեցվածքի գողության,
☑️1-ական դեպք՝ սպանության, բնակարանային գողության, խարդախության։
Հայտնաբերվել է 21 հետախուզվող, կամավոր ներկայացել է 5-ը։
Հայտնաբերվել է 2 անհետ կորած։
Գրանցվել է զենք-զինամթերք կամավոր հանձնելու 3 դեպք։
Անցած 3 օրում գրանցվել է 40 ավտովթար․ 4 մարդ զոհվել է, 46-ը՝ ստացել տարբեր աստիճանի մարմնական վնասվածքներ։
`
