28.04.2026 | 23:24
Երևանում երթևեկության փոփոխություն կկատարվի
Շուրջ 2 միլիոն դոլար է ծախսվել Երևանի բյուջեից` «Էրեբունի-Երևանի» համար
Տնտեսություն
10.11.2025 | 11:33
«Էրեբունի-Երևան 2807» տոնակատարության շրջանակում նախատեսված միջոցառումների կազմակերպման և իրականացման համար Երևանի 2025 թվականի բյուջեից հատկացվել է 754.690.895 ՀՀ դրամ: Այս մասին Factor.am-ի գրավոր հարցմանն ի պատասխան հայտնել են քաղաքապետարանից:
««Էրեբունի-Երևան 2807» տոնակատարության շրջանակում իրականացված միջոցառումների կազմակերպման ծառայությունները ձեռք է բերվել «Գնումների մասին» օրենքով սահմանված ընթացակարգով: Ըստ այդմ՝ ծրագրի շրջանակում մատուցված ծառայությունների (համերգների և միջոցառումների կազմակերպման և իրականացման) բնութագրությունն ու վարձատրության չափը սահմանվել են համապատասխան պայմանագրերով, որոնք հրապարակվել են համապատասխան հարթակում»,- նշված է գրավոր պատասխանում:
Ավելի քան մեկ ամիս առաջ Երևանի քաղաքապետարան ուղարկված հարցմամբ խնդրել էինք նաև տրամադրել արտիստների հետ կնքված պայմանագրերը, բայց, փաստորեն, քաղաքապետարանը հարցմանը պատասխանելու համար մեկ ամսից ավելի ժամանակ է ունեցել, բայց գրել է միայն բյուջեից հատկացված գումարը: Լրատվության վարչությունից նշեցին, որ պայմանագրերը հրապարակվել են գնումների պետական համակարգում:
Ի դեպ, Factor TV-ն օրեր առաջ էր ուսումնասիրել հրապարակված պայմանագրերը, որոնք դեռ ոչ բոլորն էին ներկայացված, և գրել էինք ծախսերի մասին:
Արփի Հակոբյան
