05.10.2026 | 18:19
Ինչպե՞ս կարդալ 21-րդ դարում․ շուրջ 700 ուսուցիչ մասնակցել է մասնագիտական քննարկումների
Ընտրակաշառքի և բարեգործական արգելքի խախտման դեպքերը կարժանանան խիստ իրավական գնահատականի. Հակակոռուպցիոն կոմիտեն զգուշացնում է
Հասարակություն
09.11.2025 | 13:15
ՀՀ հակակոռուպցիոն կոմիտեն հայտարարում է, որ իրականացնելու է Վաղարշապատ համայնքի ավագանու համամասնական ընտրությունների ամբողջ գործընթացի ամենօրյա մշտադիտարկում՝ ապահովելու ընտրական օրենսդրության լիարժեք պահպանումը և կանխելու ցանկացած ապօրինի ազդեցություն ընտրողների կամքի վրա։ Այս մասին տեղեկացնում են Հակակոռուպցիոն կոմիտեից։
«ՀՀ հակակոռուպցիոն կոմիտեն իրազեկում է, որ իրականացնում է ամենօրյա մշտադիտարկում Արմավիրի մարզի Վաղարշապատ համայնքի ավագանու համամասնական ընտրակարգով կայանալիք ընտրության ողջ գործընթացի նկատմամբ։
Կոմիտեն զգուշացնում է, որ լինելու է հետևողական և անզիջում ընտրական օրենսդրության պահպանման հարցում։ Մասնավորապես՝ ընտրական քարոզչության ընթացքում որևէ անձի կամ կառույցի կողմից բարեգործական արգելքը խախտելու, ինչպես նաև ընտրակաշառք տալու կամ այլ ապօրինի եղանակով ընտրողի կամքի վրա ազդելու փորձերը կարժանանան իրավական գնահատականի՝ օրենքով սահմանված ողջ խստությամբ։
ՀՀ հակակոռուպցիոն կոմիտեն կոչ է անում զերծ մնալ նմանատիպ անօրինական գործողություններից և ցանկացած խախտման դեպքի մասին անմիջապես հաղորդել իրավապահ մարմիններին»,- ասված է հայտարարությունում։
