19.08.2026 | 19:43
Արաղչին հայտարարել է, որ Իրանի պատերազմն ապացուցեց՝ արտաքին ուժերն ու բազաները չեն կարող անվտանգություն ապահովել
Հայաստանի նախաձեռնությամբ ՅՈՒՆԵՍԿՕ-ն ընդունել է Փոքր կղզի զարգացող պետությունների միջազգային օր հռչակելու մասին բանաձևը
Քաղաքականություն
09.11.2025 | 11:25
Հայաստանի նախաձեռնությամբ ՅՈՒՆԵՍԿՕ-ի Գլխավոր կոնֆերանսը նոյեմբերի 8-ին Սամարղանդում միաձայն ընդունել է բանաձև՝ ապրիլի 25-ը հռչակելով Փոքր կղզի զարգացող պետությունների միջազգային օր։ Փաստաթղթին աջակցել և համահեղինակել են ՅՈՒՆԵՍԿՕ-ի շուրջ 130 անդամ պետություններ՝ ընդգծելով այս երկրների հանդեպ համերաշխության և միջազգային աջակցության կարևորությունը։ Այս մասին տեղեկացնում են ԱԳՆ-ից։
«Բանաձևն ընդգծում է Փոքր կղզի զարգացող պետությունների խոցելիությունները և դրանց նկատմամբ միջազգային ուշադրության, համերաշխության և աջակցության անհրաժեշտությունը։ Փաստաթղթով ապրիլի 25-ը սահմանվում է որպես ՓԿԶՊ միջազգային օր։
Բանաձևի ընդունման կապակցությամբ՝ ՅՈՒՆԵՍԿՕ-ում ՀՀ մշտական ներկայացուցիչ, դեսպան Արամ Հակոբյանը շնորհակալություն է հայտնել Գլխավոր կոնֆերանսին և բանաձևի համահեղինակ պետություններին՝ փաստաթղթին միաձայն աջակցելու համար, ինչպես նաև վերահաստատել է Հայաստանի՝ ՅՈՒՆԵՍԿՕ-ի ՓԿԶՊ բարեկամների խմբի համահիմնադիր և համանախագահ պետության կարգավիճակում Փոքր կղզիներ զարգացող պետությունների կարիքների հասցեագրման հարցում շարունակական հանձնառությունը»,- ասված է հաղորդագրությունում։
