31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Նաիր Թիկնիզյան․ Խաղից հետո «Պորտուի» ներկայացուցիչը մոտեցավ ինձ
09.11.2025 | 11:40
Հայաստանի ազգային հավաքականի ու Սերբիայի չեմպիոն «Ցրվենա Զվեզդայի» պաշտպան Նաիր Թիկնիզյանը պատմել է, որ պորտուգալական «Պորտուի» ներկայացուցիչները հետևել են իր խաղին։
«Ես 4 հանդիպում եմ անցկացրել եվրագավաթներում և միայն մեկում էի գոհ իմ խաղից։ Դա «Պորտուի» դեմ հանդիպումն էր։ 75-րդ րոպեին ես խնդրեցի փոխարինել ինձ, քանի որ ֆիզիկապես ծանր էր։ Այդ խաղը Սերբիայի առաջնության հերթական տուրից 4 օր անց էր։ Զարմանալի է, որ խաղից հետո ինձ մոտեցավ «Պորտուի» ներկայացուցիչներից մեկը։ Նա սեղմեց ձեռքս և ասաց, որ անցկացրել եմ լավ հանդիպում»,- «Коммент.Шоу» հաղորդաշարի ժամանակ ասել է 26-ամյա ֆուտբոլիստը
Ավելի վաղ լուրեր էին շրջանառվում, որ Լիսաբոնի «Բենֆիկայի» և «Պորտուի» սկաուտները հետևել են Նաիր Թիկնիզյանի խաղին։
Թիկնիզյանն այս տարվա ամռանն է Մոսկվայի «Լոկոմոտիվից» տեղափոխվել «Ցրվենա Զվեզդա», որի կազմում անցկացրել է 17 հանդիպում ու կատարել 1 գոլային փոխանցում։ Transfermarkt-ը 4 միլիոն եվրո է գնահատում հայ պաշտպանի տրանսֆերային արժեքը։
