02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Աշխարհի գավաթ․ Շանթ Սարգսյանը հաղթել է, Ռոբերտ Հովհաննիսյանը և Գաբրիել Սարգսյանը ոչ-ոքի են խաղացել
08.11.2025 | 11:17
Հնդկաստանում շարունակվող ՖԻԴԵ-ի շախմատի աշխարհի գավաթում անցկացվել են երրորդ փուլի առաջին մրցախաղերը։
Հայաստանի ներկայացուցիչներից հաղթել է միայն գրոսմայստեր Շանթ Սարգսյանը, որը սև խաղաքարերով հաղթանակի է հասել Թուրքիան ներկայացնող գրոսմայստեր Մուստաֆա Յիլմազի նկատմամբ:
Գրոսմայստեր Ռոբերտ Հովհաննիսյանը սպիտակ խաղաքարերով ոչ-ոքի է խաղացել աշխարհում 7-րդ վարկանիշն ունեցող հնդիկ գրոսմայստեր Ռամեշբաբու Պրագնանանդհայի հետ:
Գրոսմայստեր Գաբրիել Սարգսյանը սև խաղաքարերով ոչ-ոքի է գրանցել Հնդկաստանը ներկայացնող գրոսմայստեր Դիպտայան Գոշի հետ:
Երրորդ փուլին մասնակցում են նաև ԱՄՆ-ն ներկայացնող հայ գրոսմայստերներ Լևոն Արոնյանը և Սամուել Սևյանը։ Արոնյանը սև խաղաքարերով պարտության է մատնել Արաբական Միացյալ Էմիրությունները ներկայացնող գրոսմայստեր Սալեմ Սալեհին, իսկ Սևյանը սև խաղաքարերով ոչ-ոքի է խաղացել ՖԻԴԵ-ն ներկայացնող գրոսմայստեր Եվգենի Նայերի հետ:
Հիշեցնենք, որ մրցաշարն անցկացվում է նոկաուտ ձևաչափով՝ 8 խաղափուլով: Յուրաքանչյուր փուլում մասնակիցները խաղում են երկու դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
