11.09.2026 | 21:36
Ժամանակը եկել է․ Լուկաշենկոն հրամայել է ստուգել բանակի՝ զորահավաքին պատրաստվածությունը
TRIPP-ն իսկապես մեծ գործարք է, կոչվել է իմ անունով, շատ գնահատում եմ․ Թրամփ․ ՏԵՍԱՆՅՈՒԹ
Քաղաքականություն
07.11.2025 | 10:56
Երեք ամիս առաջ իմ վարչակազմը պատմական խաղաղության համաձայնագրի է հասել Հայաստանի և Ադրբեջանի միջև։ 8 պատերազմ մենք ավարտել ենք 8 ամսում, հայտարարել է ԱՄՆ նախագահ Դոնալդ Թրամփը Սպիտակ տան Կենտրոնական Ասիայի երկրների ղեկավարների հետ «C5+1» ձևաչափով հանդիպման ժամանակ։
«Ինչպես այն ժամանակ ասել եմ՝ այս պատմական համաձայնագիրը ներառում է «Թրամփի երթուղու» (TRIPP) կառուցումը։ Դա իսկապես հրաշալի բան է։ Այն կոչվել է իմ անունով, և ես իսկապես դա շատ եմ գնահատում։ Սա իսկապես մեծ գործարք է՝ «Թրամփի երթուղին՝ միջազգային խաղաղության համար»։ Այս երթուղին անցնում է աշխարհի ամենակարևոր վայրերից մի քանիսով, այդ թվում՝ տնտեսապես ամենակարևորներ տեղերով։ Այն կբարձրացնի առևտրային գործունեությունը Կասպից ծովի մյուս կողմում և կօգնի Կենտրոնական Ասիայի ժողովուրդներին»,- նշել է ԱՄՆ նախագահը։
Նա հավելել է՝ լավատես է և հավատում է, որ այսօր այնտեղ գտնվող յուրաքանչյուր երկիր կշահի խաղաղությունից, եթե օգտվի այդ համաձայնագրով ընձեռված հնարավորությունից։
Թարգմանությունը՝ Էմմա Չոբանյանի
