19.08.2026 | 18:29
Խմբակցության նիստ ունեինք, հետ վերադարձանք. «Ուժեղ Հայաստան» խմբակցության քարտուղար․ ՏԵՍԱՆՅՈՒԹ
ՖԻՖԱ. Աշխարհի լավագույն ֆուտբոլիստի ու մարզիչի մրցանակի հավակնորդները
07.11.2025 | 01:23
ՖԻՖԱ-ն հրապարակվել են 2025թ․ աշխարհի լավագույն ֆուտբոլիստի ու մարզիչի մրցանակի հավակնորդների անունները, հաղորդում է կազմակերպության մամուլի ծառայությունը։
Տարվա լավագույն ֆուտբոլիստի կոչմանը հավակնում են այս տարվա «Ոսկե գնդակի» դափնեկիր Ուսման Դեմբելեն (ՊՍԺ, Ֆրանսիա), Աշրաֆ Հաքիմին (ՊՍԺ, Մարոկկո), Հարի Քեյնը («Բավարիա», Անգլիա), Կիլիան Մբապեն («Ռեալ», Ֆրանսիա), Նունու Մենդեշը (ՊՍԺ, Պորտուգալիա), Քոուլ Պալմերը («Չելսի», Անգլիա), Պեդրին («Բարսելոնա», Իսպանիա), Ռաֆինյան («Բարսելոնա», Բրազիլիա), Մոհամեդ Սալահը («Լիվերպուլ», Եգիպտոս), Վիտինյան (ՊՍԺ, Պորտուգալիա) և Լամին Յամալը («Բարսելոնա», Իսպանիա)։
Նախորդ տարի մրցանակին արժանացել էր Մադրիդի «Ռեալի» բրազիլացի հարձակվող Վինիսիուս Ժունիորը։
Տարվա լավագույն մարզիչի մրցանակի հավակորդներն են՝ Խավիեր Ագիրեն (Մեքսիկայի հավաքական), Միկել Արտետան («Արսենալ»), Լուիս Էնրիկեն (ՊՍԺ), Հանս-Դիտեր Ֆլիկը («Բարսելոնա»), Էնցո Մարեսկան («Չելսի»), Ռոբերտո Մարտինեսը (Պորտուգալիայի հավաքական) և Արնե Սլոթը («Լիվերպուլ»)։
2024-ին լավագույն մարզիչ էր ճանաչվել իտալացի Կառլո Անչելոտին, որն աշխատում էր Մադրիդի «Ռեալում», իսկ այժմ գլխավորում է Բրազիլիայի հավաքականը։
Քվեարկությունը կավարտվի նոյեմբերի 28-ին։ Հաղթողների անունները հայտնի կդառնան FIFA The Best ամենամյա մրցանակաբաշխության ժամանակ։
