27.07.2026 | 18:51
Ռուսաստանն ամեն ինչ կանի հաղթանակի համար․ Պուտին
Հայ և չեխ երկրպագուների բախումը «Նոա»-«Սիգմա» հանդիպման ժամանակ․ ՏԵՍԱՆՅՈՒԹ
06.11.2025 | 22:45
Հայաստանի չեմպիոն «Նոայի» և Չեխիայի գավաթակիր «Սիգմայի» միջև Կոնֆերենցիաների լիգայի Լիգայի փուլի երրորդ տուրի հանդիպման ընթացքում տրիբունաներում բախում է տեղի ունեցել 2 թիմերի երկրպագուների միջև։
Վազգեն Սարգսյանի անվան «Հանրապետական» ստադիոնում ընթացող հանդիպման առաջին խաղակեսում գլխավոր մրցավար Մոհամեդ Ուսման Ասլամը դադարեցրել է խաղը շուրջ 6 րոպեով։ Երկու թիմերի երկրպագուները բախվել էին Հյուսիսային և Արևելյան տրիբունաների բաժանման հատվածում և տարբեր իրեր էին նետում միմյանց ուղղությամբ։
Միջադեպի պատճառով տրիբունաներին էր մոտեցել նաև «Նոալի» սեփականատեր Վարդգես Վարդանյանը, որը փորձում էր հանդարտեցնել բորբոքված կրքերը։
Բախման ավարտից հետո խաղը շարունակվեց, առաջին խաղակեսից հետո «Նոան» պարտվում է 1։2 հաշվով։ Դաշտի տերերի գոլը 21-րդ րոպեին խփել է բոսնիացի հարձակվող Նարդին Մուլահուսեյնովիչը։
