09.06.2026 | 10:49
Ռումինիայի նախագահը շնորհավորել է Նիկոլ Փաշինյանին ընտրություններում հաղթանակի առիթով
ԱՄՆ-ը ծրագրում է զինծառայողների տեղակայել Դամասկոսի ավիաբազայում
Քաղաքականություն
06.11.2025 | 23:29
Միացյալ Նահանգները պատրաստվում է ռազմական ներկայություն հաստատել Դամասկոսի ավիաբազայում՝ Սիրիայի և Իսրայելի միջև Վաշինգտոնի միջնորդությամբ կնքվող անվտանգության համաձայնագիրը հնարավոր դարձնելու համար։ Այս մասին Reuters-ին հայտնել են իրադրությանը ծանոթ վեց աղբյուրներ։ Բազան գտնվում է Սիրիայի հարավի այն տարածքների մուտքի մոտ, որոնք կդառնան ապառազմականացված գոտի, փոխանցում է Current time-ը։
Սիրիական աղբյուրը գործակալությանը հայտնել է, որ Վաշինգտոնը ճնշում է գործադրում Սիրիայի կառավարության վրա՝ տարեվերջին համաձայնագրեր կնքելու համար։
Վերջին երկու ամիսների ընթացքում Պենտագոնն արագացրել է բազայի նախապատրաստական աշխատանքները, գրում է գործակալությունը։ Բազան կօգտագործվի լոգիստիկայի, հսկողության, վառելիքի լիցքավորման և մարդասիրական գործողությունների համար՝ Սիրիայի իրավասության ներքո։ Հայտնի չէ, թե երբ կժամանեն ամերիկյան զորքերը։
Հավելենք, որ ԱՄՆ նախագահ Դոնալդ Թրամփը հաջորդ երկուշաբթի Սպիտակ տանը կհանդիպի Սիրիայի նախագահ Ահմեդ ալ-Շարաայի հետ։
Թարգմանությունը՝ Էմմա Չոբանյանի
