04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Տորոնտոյում մահացել է Հայոց ցեղասպանությունը վերապրած 106-ամյա Սիրվարդ Քուրդյանը
Հասարակություն
30.10.2018 | 13:33
Կանադական Տորոնտոյում 106 տարեկանում մահացել է Հայոց ցեղասպանությունը վերապրած Սիրվարդ Քուրդյանը: Այս մասին տեղեկացնում է հայկական Horizon Weekly պարբերականը:
Սիրվարդ Քուրդյանը ծնվել է բռնի տեղահանության մեկնարկից երեք տարի առաջ: Այդ իրադարձությունների ժամանակ ստիպված է լինում մոր, քույրերի ու եղբայրների հետ Էրզրումից քայլելով հասնել Իրաք՝ Մոսուլ: Հարկադիր ճամփորդությունը վեց ամիս է տևում:
Որոշ ժամանակ անց Սիրվարդի ընտանիքը Մոսուլից տեղափոխվում է սիրիական Հալեպ, որտեղ ավելի քան 100 հազար հայ վերապրածներ կային, այդ թվում՝ որբեր:
15 տարեկանում Սիրվարդն ամուսնանում է Խաչիկ Քուրդյանի հետ: 1974 թվականին Խաչիկ Քուրդյանը մահանում է, իսկ 1991-ին Սիրվարդ Քուրդյանն ընտանիքի հետ Կանադա է փոխադրվում:
