01.11.2026 | 20:00
Ինչի համար են համատիրությունները․ Ավինյանն ասում է՝ «պորտաբույծներ» են․ կեղտոտ «պադիեզդի» ՇԵՐՏԵՐԸ
Դատավորի եղբայրը մահացել է, բայց պետք է քննի Սերժ Սարգսյանի նկատմամբ բացակայելու արգելք կիրառելու հարցը
Հասարակություն
05.11.2025 | 17:20
Հակակոռուպցիոն դատարանում այսօր ժամը 14։30-ին պետք է քննվեր Հայաստանի երրորդ նախագահ Սերժ Սարգսյանի նկատմամբ բացակայելու արգելք խափանման միջոց կիրառելու հարցը, սակայն նիստը հետաձգվեց։ Սարգսյանի պաշտպան Ռուբեն Հակոբյանը լրագրողներին հայտնեց, որ դատավորն անձնական պատճառներով չի ներկայացել նիստին։
Factor TV-ն ավելի ուշ պարզեց, որ դատավորի եղբայրն է մահացել։ Միաժամանակ, քիչ առաջ տեղեկացանք, որ այսօր ժամը 17։30-ին դատավորը, այնուամենայնիվ, պետք է քննի Սարգսյանի խափանման միջոցի հարցը։
Հիշեցնենք, որ Սարգսյանի վերաբերյալ Հակակոռուպցիոն դատարանում քննվող 2 գործերով դատավորները վերացրել են նրա նկատմամբ ընտրված խափանման միջոց բացակայելու արգելքը, որից հետո Դատախազությունը դիմել է դատարաններին՝ հայտնելով, թե օպերատիվ տվյալներ են ստացել այն մասին, որ Սարգսյանը պատրաստվում էր լքել Հայաստանը, այդ պատճառով միջնորդել են նրա նկատմամբ կրկին խափանման միջոց ընտրել բացակայելու արգելքը: Սարգսյանը լրագրողների հետ զրույցում անդրադառնալով իր խափանման միջոցի հարցին՝ հայտարարել էր, որ անգամ եթե իմանա, որ իր նկատմամբ ցմահ ազատազրկման դատավճիռ է կայացվելու, չի լքի Հայաստանը:
«Սա իմ երկիրն է, իրենց երկիրը չէ, ո՞ւր պիտի փախչեմ»,- ասել էր Սարգսյանը:
Արաքս Մամուլյան
