31.10.2026 | 18:51
Երևանի 2 վարչական շրջանում փոշու պարունակությունը գերազանցել է սահմանային շեմը
Զախարովան Հռոմում պատմական աշտարակի փլուզումից հետո հայտարարել է՝ «Իտալիան ամբողջությամբ կփլուզվի»․ ՌԴ դեսպանը կանչվել է ԱԳՆ
Քաղաքականություն
04.11.2025 | 14:54
Իտալիայում ՌԴ դեսպանը երկրի արտաքին գործերի նախարարություն է կանչվել է այն բանից հետո, երբ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Իտալիան «ամբողջովին կփլուզվի», եթե շարունակի աջակցել Ուկրաինային, գրում է Meduza-ն։
Հռոմում Կոնտի աշտարակի փլուզումից հետո Զախարովան իր տելեգրամ ալիքում հիշեցրել էր, որ Իտալիան միլիարդավոր եվրոներ է ծախսում Ուկրաինային և ուկրաինացի փախստականներին աջակցելու համար՝ գրելով, որ «քանի դեռ Իտալիայի կառավարությունն անիմաստ վատնում է իր հարկատուների փողերը, Իտալիան ամբողջությամբ կփլուզվի՝ տնտեսությունից մինչև աշտարակներ»։
Իտալիայի արտաքին գործերի նախարար Անտոնիո Տայանին Զախարովայի մեկնաբանություններն անվանել է «վուլգար» և «անընդունելի քաղաքակիրթ երկրում»։
«Երբ տեղի է ունենում ողբերգություն, չի կարելի ենթադրություններ անել փլատակների տակ մնացած մարդկանց և վիրավոր աշխատողների մասին։ Մենք երբեք այդպես չենք արել. երբ Ռուսաստանում տեղի էին ունենում ողբերգություններ, մենք միշտ համերաշխություն էինք հայտնում»,- ասել է նախարարը։
Հռոմի Կոնտի աշտարակը մասնակիորեն փլուզվել էր նախօրեին։ Կառույցը վերանորոգման փուլում է, և միջադեպի պահին աշտարակի ներսում եղել են չորս աշխատողներ։ Նրանցից մեկը մնացել է փլատակների տակ, և փրկարարները նրան հասել են միայն մի քանի ժամ անց։ Աշխատողն ավելի ուշ մահացել է հիվանդանոցում։
Թարգմանությունը՝ Էմմա Չոբանյանի
