25.08.2026 | 19:44
Ադրբեջանը կուլիսներում աշխատում է Իսրայելի և Թուրքիայի միջև լարվածությունը մեղմելու ուղղությամբ․ իսրայելական աղբյուրներ
3-ամյա որդու սպանության մեջ մեղադրվող հայրը կալանավորվել է
Հասարակություն
03.11.2025 | 20:25
3-ամյա որդուն սպանելու մեջ մեղադրվող Արմեն Օվանեոսվը կալանավորվել է երկու ամսով։ Այս մասին Factor.am-ին հայտնեցին Քննչական կոմիտեից։
Մոր ծննդյան օրը անհետացած փոքրիկին շուրջ մեկ շաբաթ որոնում էին հարյուրավոր փրկարարաներ, ոստիկաններ ու կամավորներ։ Ի սկզբանե իրավապահները քննել են վարկածը, որ ընտանիքի անդամները կարող են կապ ունենալ երեխայի անհետացման հետ։ Այսօր ՆԳ նախարար Արփինե Սարգսյանն ասաց, որ նախնական տվյալներով հայրն է երեխային խեղդելու ճանապարհով սպանել։ Դիակի արտաքին զննությամբ փոքրիկի մարմնի, գլխի շրջանում հայտնաբերվել են մարմնական վնասվածքներ: Նշանակվել է դատաբժշկական փորձաքննություն։
Factor TV-ի տեղեկություններով, երեխայի հայրը՝ Արմեն Օվանեսովը, ևս փրկարարների հետ մասնակցել է որոնողական աշխատանքներին։ Մեր տեղեկություններով, նա երեխայի մարմինը տեղափոխել է այն հատվածներ, որտեղ արդեն իսկ իրականացվել են որոնողական աշխատանքներ։
Փրկարարները մի քանի անգամ զննել են այն հատվածը, որտեղ հայտնաբերվել է երեխայի մարմինը, բայց որևէ հետք չեն հայտնաբերել։ Երեխայի հորը ոստիկանները դրսում նկատել են ուշ ժամերի, իսկ մարմինը հայտնաբերելու օրը տեսել են նույն տարածքում, ինչն էլ կասկած է հարուցել։ Երեխայի սպանության մեջ մեղադրվող հոր հոգեվիճակը պարզելու համար փորձաքննություններ են նշանակվել։
Արփի Հակոբյան
