09.03.2026 | 23:38
Պուտինն ու Թրամփը հեռախոսազրույց են ունեցել
Խամենեին նշել է, թե որ դեպքում կվերականգնվի ԱՄՆ-ի հետ համագործակցությունը
Քաղաքականություն
03.11.2025 | 19:49
Իրանի գերագույն հոգևոր առաջնորդ այաթոլլահ Ալի Խամենեին հայտարարել է, որ Միացյալ Նահանգների և Իրանի Իսլամական Հանրապետության միջև տարբերությունը հիմնարար է, այլ ոչ թե մարտավարական կամ հանգամանքային, ինչն ընդգծում է շահերի հիմնարար բախումը, գրում է IRNA գործակալությունը։
Խամենեին հավելել է, որ ԱՄՆ-ի կողմից Իրանի հետ համագործակցության դիմումները կքննարկվեն ոչ թե մոտ ապագայում, այլ ավելի ուշ՝ պայմանով, որ Միացյալ Նահանգներն ամբողջությամբ դադարեցնի Իսրայելի ռեժիմին ցուցաբերվող աջակցությունը, դուրս բերի իր ռազմաբազաները տարածաշրջանից և զերծ մնա տարածաշրջանի ներքին գործերին միջամտելուց։
ԱՄՆ-ի կողմից Իրանի նկատմամբ թշնամանքի պատմության, ինչպես նաև 1979 թվականին ԱՄՆ դեսպանատան գրավման նշանակության մասին խոսելիս Ալի Խամենեին ասել է, թե «ԱՄՆ դեսպանատան գրավումը բացահայտել է Վաշինգտոնի կառավարության իրական ինքնությունը և Իսլամական հեղափոխության իրական բնույթը»։ Նա նաև ասել է, թե սխալ է ԱՄՆ դեսպանատան գրավումը դիտարկել որպես Միացյալ Նահանգների և Իրանի միջև խնդիրների մեկնարկային կետ։
Միաժամանակ, Իրանի ԱԳ նախարար Աբբաս Արաղչին Al Jazeera-ին հայտարարել է, որ երկրի երեք խոշոր միջուկային օբյեկտների վրա ԱՄՆ-ի կողմից հարվածներից հետո անհետացած 60 տոկոսով հարստացված 400 կիլոգրամ ուրանը «նույն տեղում է, որտեղ գտնվում էր հարձակումներից առաջ»։
«Մենք պատերազմից առաջ դրանց չենք դիպչել։ Դրանց մեծ մասը գտնվում է գետնի տակ, ավելի ճիշտ՝ գրեթե բոլորը գետնի տակ են, և մենք մտադիր դրանք դուրս բերել՝ մինչև անհրաժեշտ պայմանները չստեղծվեն»,- հայտարարել է Իրանի արտգործնախարարը։
Իրանցի նախարարը ԱՄՆ-ի կողմից Իրանի միջուկային օբյեկտներին հարվածների պատճառած վնասը գնահատել է որպես «նշանակալի» և հայտնել ոչ միայն միջուկային օբյեկտների շենքերի, այլև «սարքավորումների և մեքենաների» ավերածությունների մասին։
Միևնույն ժամանակ, Արաղչին ընդգծել է, որ ուրանի հարստացման տեխնոլոգիան «չի ոչնչացվել»։
«Ավելի կարևոր է, որ մեր կամքը չի անհետացել, նույնիսկ դրանից հետո»,- հայտարարել է նա։
Թարգմանությունը՝ Էմմա Չոբանյանի
