19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Սևանա լճից դուրս է բերվել ապօրինի տեղադրված 346 խեցգետնորսիչ և 90 ձկնորսական ցանց. ՇՄՆ
Տնտեսություն
01.11.2025 | 17:44
Ծովազարդ բնակավայրի հարակից տարածքում ձեռնարկված միջոցառման արդյունքում Սևանա լճից դուրս է բերվել ապօրինի տեղադրված 346 հատ խեցգետնորսիչ և 90 հատ ձկնորսական ցանց, իսկ 76 հատ խեցգետին բաց է թողնվել լիճ։ Այս մասին տեղեկացնում են ՇՄՆ էկոպարեկային ծառայությունից։
Ըստ գերատեսչության՝ փաստի առթիվ կազմվել է համապատասխան արձանագրություն, ձեռնարկվում են միջոցառումներ իրավախախտում կատարած անձանց հայտնաբերելու ուղղությամբ։
Հիշեցնենք, որ Կառավարության 2025 թվականի հունիսի 26-ի N865-Ն որոշմամբ սահմանված է Սևանա լճում ձկան և խեցգետնի արդյունագործական որսի չափաքանակները, ժամկետները, արդյունագործական որսի կազմակերպման պայմաններն ու պահանջները, համաձայն որոնց՝ 2025 թվականի համար Սևանա լճում խեցգետին կենդանատեսակի արդյունագործական որսի չափաքանակ չի սահմանվել, իսկ սիգի որսն իրականացվում է Սևանա լճի ամբողջ տարածքով, ափից առնվազն 500 մետր հեռավորության վրա։
