05.09.2026 | 18:31
«Հեծանվային մեծ սպորտը գալիս է Հայաստան». ներկայացվել է «Tour of Armenia»-ի խորհրդանիշը
Ողջունելի է, որ վարչապետը հեծանիվ վարել է քարոզում, բայց ցավոք, դեռ պայմաններ չկան. Արման Անտոնյան. ՏԵՍԱՆՅՈՒԹ
Քաղաքականություն
01.11.2025 | 19:00
«Երևանն իդեալական քաղաք է հեծանվավարման համար, բայց կամք է պետք նվազագույն պայմաններ ստեղծելու համար`հեծանվուղիներից մինչև կայանատեղիներ: Ցավոք, այսօր չունենք այդ պայմանները, հուսով եմ` օրեցօր կլուծենք այդ խնդիրները»,- Factor TV-ի հետ զրույցում նշում է Հեծանվորդների, սիրողական հեծանվասպորտի և սպորտային տուրիզմի ֆեդերացիայի նախագահ Արման Անտոնյանը:
Հարցին, թե ինչ շոշափելի արդյունք է տալիս ՀՀ վարչապետ Նիկոլ Փաշինյանի կողմից փորձը խրախուսելու հեծանիվ վարելու մշակույթը, մեր զրուցակիցը պատասխանում է. «Ողջունում եմ վարչապետի նախաձեռնությունը, այն, որ իր օրինակով հեծանվային մշակույթի քարոզն է անում, նա պարբերաբար է հեծանիվն օգտագործում՝ որպես փոխադրամիջոց, չնայած որ Երևանը, ցավոք, դեռ հարմարեցված չէ հեծանվային երթևեկության համար: Երկրի ղեկավարի կողմից մեսիջը կա, մնում է` այն որևէ օղակում չընդհատվի»:
Արման Անտոնյանն անդրադառնում է նաև այն խնդրին, որ հանրային տրանսպորտը ևս Հայաստանում հարմարեցված չէ հեծանվային մշակույթին. «Մեր ավտոբուսներում չկան կախիչներ հեծանիվների համար: Արդեն քանի տարի է` այս խնդրի մասին խոսում եմ, երբ ավտոբուսների նոր խմբաքանակ եկավ Երևան, առաջարկել էի, որ դրանք անպայման ունենան կախիչներ, սակայն այդ կետն անտեսվել էր: Հուսամ` այս խնդրի լուծումը չի ուշանա»:
Մանրամասները`տեսանյութում:
Աննա Բաբաջանյան
