01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Մոսկվան կկանխի Արևմուտքի փորձերը՝ խզելու ՌԴ-ի կապերը դաշնակիցների հետ․ Լավրով
Քաղաքականություն
28.10.2025 | 17:45
Արևմուտքը փորձում է օգտագործել այլ երկրներին, այդ թվում՝ Անդրկովկասի, ոչ այնքան փոխշահավետ համագործակցության, որքան նրանց Ռուսաստանից անջատելու համար։ Այս մասին Մինսկում կայացած մամուլի ասուլիսի ժամանակ հայտարարել է Ռուսաստանի արտաքին գործերի նախարար Սերգեյ Լավրովը։
Նա նշել է, որ Մոսկվան բաց է Եվրասիական մայրցամաքի երկրների հետ երկխոսության համար։
«Եվրասիական ապագա անվտանգության կառույցների տեսլականում մենք չենք բացառում մայրցամաքի որևէ երկիր։ Հունգարիայի, Սլովակիայի և Սերբիայի ներկայացուցիչներն այստեղ մասնակցում են արդեն մի քանի տարի։ Եվ միակ կարևոր բանը այն է, որ սա հավասար և ազնիվ համագործակցություն է՝ առանց միակողմանի առավելությունների հասնելու որևէ թաքնված դրդապատճառների»,- ընդգծել է Լավրովը։
Ըստ նրա՝ ՆԱՏՕ-ն կառուցում է իր սեփական փոխազդեցությունները Կենտրոնական Ասիայի և Անդրկովկասի երկրների հետ, որում կա նաև Ռուսաստանի նկատմամբ բացասական ուղերձ։
«Ոչ ոք չի կարող տեսնել որևէ թակարդ այս ամենում՝ բացի այն փաստից, որ, ինչպես մենք այժմ տեսնում ենք, Արևմուտքը փորձում է օգտագործել այդ կապերը ոչ այնքան փոխշահավետ համագործակցության, որքան այդ երկրները Ռուսաստանի Դաշնությունից անջատելու համար»,- նշել է Լավրովը։
ՌԴ ԱԳՆ ղեկավարը նշել է, որ ռուսական կողմը կկանխի և կզսպի նման միտումները՝ օգտագործելով դիվանագիտական, քաղաքական ու տնտեսական գործիքներ։
Թարգմանությունը՝ Էմմա Չոբանյանի
