07.09.2026 | 13:01
Այսօր՝ անձրև և ամպրոպ, վաղվանից՝ առանց տեղումների եղանակ
Թրամփը կրկին հայտարարել է, որ դադարեցրել է ՀՀ-ի և Ադրբեջանի միջև հակամարտությունը․ ՏԵՍԱՆՅՈՒԹ
Քաղաքականություն
28.10.2025 | 14:26
ԱՄՆ նախագահ Դոնալդ Թրամփը հայտարարել է, որ «ութ ամսվա ընթացքում իր վարչակազմը կարողացել է վերջ դնել ութ միջազգային հակամարտությունների՝ առանց ուժի կիրառման»։ Նա այս մասին հայտարարել է Ճապոնիայում Յոկոսուկա ռազմածովային բազայում տեղակայված USS George Washington ավիակրի վրա ամերիկացի զինծառայողների հետ հանդիպման ժամանակ։
«Դա ընդգրկում է Կոսովոն ու Սերբիան, Կոնգոն ու Ռուանդան, Պակիստանն ու Հնդկաստանը, Իսրայելն ու Իրանը, Եգիպտոսն ու Եթովպիան, Հայաստանն ու Ադրբեջանը։ Այն շարունակվում էր 35 տարի, սարսափելի պատերազմ էր։ Այս ամիս մենք վերջ դրեցինք Գազայում պատերազմին։ Մենք վերջ դրեցինք Մերձավոր Արևելքում պատերազմին, ոչ ոք չէր մտածում, որ դա հնարավոր է։ Մենք նաև նոր ստորագրել ենք գործարք Թաիլանդի ու Կամբոջայի միջև։ Մենք փրկել ենք միլիոնավոր կյանքեր»,- հայտարարել է Թրամփը։
Հավելենք, որ ԱՄՆ նախագահը տարբեր առիթներով պարբերաբար խոսում է Հայաստանի և Ադրբեջանի միջև խաղաղության գործընթացում իր դերակատարումից։
Վերջերս Դոնալդ Թրամփը Եգիպտոսում Խաղաղության գագաթնաժողովի շրջանակում էր խոսել հայ-ադրբեջանական կարգավորման գործընթացում իր դերակատարումից՝ դիմելով ՀՀ վարչապետ Նիկոլ Փաշինյանին ու Ադրբեջանի նախագահ Իլհամ Ալիևին։
Թարգմանությունը՝ Էմմա Չոբանյանի
