11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
ՀՀ-Ադրբեջան-Թուրքիա խաղաղությունը համաշխարհային առևտուրը կխթանի. Արեգ Քոչինյան․ ՏԵՍԱՆՅՈՒԹ
Տնտեսություն
28.10.2025 | 13:05
«Պետք է մի բան ունենալ, որն անցնելու է Չինաստանով, Ղազախստանով, Ակտաուի նավահանգստով, Կասպից ծովով և Բաքվով մտնի Հարավային Կովկաս։ Այստեղ ամենահետաքրքիր մասն է սկսվում. գաղափարի ամենակարևոր մասն այն է, որ պետք է այս բոլոր կապերն անցնեն Վրաստանի միջոցով»,- ՀՀ Ազգային ժողովում տեղի ունեցած Արևելյան գործընկերության խորհրդարանական վեհաժողովի 12-րդ լիագումար նստաշրջանի ԵՄ քաղաքականությունների հետ համապատասխանեցման հանձնաժողովի նիստի ժամանակ ասաց Անվտանգային քաղաքականության հետազոտական կենտրոնի ղեկավար Արեգ Քոչինյանը։
Քաղաքագետի խոսքով՝ այնուհետև ուղիները Վրաստանից Սև ծովի նավահանգստով դեպի Եվրոպա կանցնեն.
«Կա մեկ ճանապարհի գաղափար, երբ ենթակառուցվածքները մտնում են Հարավային Կովկաս, դա չի գնալու Սև ծովով, այլ դեպի Թուրքիա և Թուրքիայով դեպի Եվրոպա։ Սա առաջին հերթին նվազեցնում է ծախսը, որովհետև այս դեպքում մենք փոխում ենք ընդամենը մեկ ճանապարհ, և սա առավել անվտանգ է, քանի որ չենք մտնում Սև ծով։ Եվս մեկ ճանապարհ. հյուսիսային ուղին է Հայաստանի միջոցով, որը կապելու է Կարսը՝ Թուրքիային, Գյումրի-Վանաձոր-Իջևան և հյուսիսային հատվածով Ղազախ քաղաքը՝ Ադրբեջանում»։
Մանրամասները՝ տեսանյութում։
