10.10.2026 | 14:28
ԵՄ-ն շնորհավորել է Երևանի 2808-ամյակը
Սպասում ենք ՀՀ-Թուրքիա սահմանների բացմանը. Մարիա Կարապետյան․ ՏԵՍԱՆՅՈՒԹ
Քաղաքականություն
28.10.2025 | 12:56
«Մենք կարողացել ենք ստանալ մի տեքստ, որը բոլորիս համար է. Եվրոպական միության հիմնական կառուցվածքները, էներգետիկ ոլորտները, այս համատեքստում՝ եվրոպական ուղին ոչ միայն տնտեսական նախաձեռնություն են, նաև՝ աշխարհաքաղաքական շրջանակ»,- ՀՀ Ազգային ժողովում տեղի ունեցած Արևելյան գործընկերության խորհրդարանական վեհաժողովի 12-րդ լիագումար նստաշրջանի ԵՄ քաղաքականությունների հետ համապատասխանեցման հանձնաժողովի նիստի ժամանակ ասաց ԱԺ «Քաղաքացիական պայմանագիր» խմբակցության պատգամավոր Մարիա Կարապետյանը։
Պատգամավորը հղում կատարեց «Խաղաղության խաչմերուկ»-ին, նշելով՝ այս ծրագրի շրջանակում ցանկանում են միացնել տարածաշրջանը՝ սահմանները բացելով.
«ՀՀ-ն և Ադրբեջանը խաղաղություն են հաստատել և նրանք հանձնառու են տարածաշրջանային կոմունիկացիաները բացելու՝ ճանաչելով ինքնիշխանությունը և տարածքային ամբողջականությունը։ Մենք սպասում ենք նաև Հայաստան-Թուրքիա սահմանների բացմանը, որը ևս կբացի համախմբվածությունը տարածաշրջանում և կապը Հարավային Կովկասի միջև, ինչն էլ իր հերթին ավելի կխթանի տնտեսական կապերի զարգացումը»,- իր ելույթում նշեց պատգամավորը։
Մանրամասները՝ տեսանյութում։
