11.08.2026 | 16:06
Հայաստանը շահագրգռված է Եգիպտոսի հետ հարաբերությունները խորացնելու և զարգացնելու հարցում. ՀՀ նախագահ
Ինդոնեզիայում ավիաաղետի հետևանքով ոչ ոք ողջ չի մնացել. ՀՀ ԱԳՆ-ն ճշտում է օդանավում հայերի առկայությունը
Հասարակություն
29.10.2018 | 11:53
Ինդոնեզիայում ավիաաղետի հետևանքով ոչ ոք ողջ չի մնացել: ՌԻԱ Նովոստիի փոխանցմամբ՝ այս մասին հայտնել է երկրի Արտակարգ իրավիճակների հաղթահարման ազգային գործակալության ներկայացուցիչը:
Օդանավում 189 մարդ է եղել, այդ թվում՝ անձնակազմի անդամներ: Lenta.ru-ի տեղեկացմամբ՝ որոնողական գործողության արդյունքում մեկ զոհի մարմին են հայտնաբերել:
Հայաստանի ԱԳՆ-ն ճշտում է աղետի ենթարկված օդանավում ՀՀ քաղաքացիների կամ հայերի առկայությունը:
Lion Air ավիաընկերության գործադիր տնօրենը, որին պատկանում էր Boeing 737 Max 8-ը, հայտնել է, որ աղետի ենթարկված օդանավը նախորդ չվերթի ժամանակ տեխնիկական խնդիր է ունեցել, բայց այն շտկել են՝ կանոնակարգին համապատասխան:
Ավելի վաղ տեղեկացրել էինք, որ Ջակարտա-Պանկալպինանգ չվերթն իրականացնող Lion Air ավիաընկերության Boeing 737-ը ռադարների էկրաններից անհետացել է թռիչքից 13 րոպե անց: Օդանավի հրամանատարը Ջակարտայի օդանավակայան վերադառնալու թույլտվություն է խնդրել:
Հայտնի է նաև, որ օդանավում Ինդոնեզիայի ֆինանսների նախարարության առնվազն 20 պաշտոնյա է եղել:
