16.11.2024 | 13:49
Վանաձորում ձին ընկել է դիտահորը
Մենք մտնում ենք Ազգային ժողով մեր դեմքը ցույց տալու, վերականգնվելու. Վահրամ Բաղդասարյան. ՏԵՍԱՆՅՈՒԹ
Քաղաքականություն
26.10.2018 | 12:42
Հանրապետական կուսակցությունն առաջիկայում համաժողով կանի և կորոշի մասնակցե՞լ դեկտեմբերին կայանալիք ԱԺ արտահերթ ընտրություններին, թե՞ ոչ: Այս մասին այսօր ԱԺ ճեպազրույցների ընթացքում հայտարարեց ՀՀԿ խմբակցության ղեկավար Վահրամ Բաղդասարյանը: Ըստ Բաղդասարյանի՝ մասնակցության դեպքում կուսակցության նախընտրական ցուցակը միանշանակ պետք է լինի քաղաքական և ընդդիմությանը հարիր ցուցակ:
Հարցին՝ ՀՀԿ նախընտրական ցուցակը Սերժ Սարգսյա՞նն է գլխավորելու, խմբակցության ղեկավարն ասաց. «Քանի որ միանձնյա կարծիքներ մենք չենք հայտնում, քանի որ մեր համաժողովը մոտ օրերս պետք է տեղի ունենա, և դրա վերաբերյալ դեռ չկա քաղաքական որոշում, մի փոքր համբերությամբ զինվեք, և մենք կհայտարարենք դրա մասին»:
Factor.am-ի հարցին՝ ՀՀԿ-ի նպատակը լինելու է խորհրդարան մտնե՞լը, թե՞ ընտրություններում հաղթելը. «Մեզ համար գերնպատակ չի եղել լինել իշխանություն կամ ընդդիմություն: Քաղաքական զարգացումների արդյունքում քաղաքական ուժերը պետք է պատրաստ լինեն լինել և՛ ընդդիմություն, և՛ իշխանություն: ՀՀԿ-ն պատրաստ է լինել նաև փոքրամասնություն, բայց այդ գնահատականը պետք է տա ժողովուրդը»:
Մանրամասները՝ տեսանյութում:
