19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Նեթանյահուի գրասենյակը հերքում է լուրերը, որ նա մասնակցելու է Եգիպտոսում խաղաղության գագաթնաժողովին
Քաղաքականություն
13.10.2025 | 15:30
Իսրայելի հանրային հեռարձակող Kan-ը հաղորդում է, որ երկրի վարչապետ Բենիամին Նեթանյահուն, ինչպես սպասվում է, կեզրափակի Գազայի հատվածում պատերազմի ավարտին նվիրված գագաթնաժողովը Եգիպտոսի Կարմիր ծովի ափին գտնվող Շարմ էլ Շեյխ հանգստավայրում։ Kan-ը նաև հայտնել է, որ Նեթանյահուն հեռախոսազրույց է ունեցել Եգիպտոսի նախագահ Աբդել Ֆաթթահ աս-Սիսիի հետ։
Իսրայելի հանրային 12-րդ ալիքն էլ հաղորդում է, որ Նեթանյահուի և Սիսիի միջև հեռախոսազրույցը կազմակերպվել է Թրամփի միջնորդությամբ՝ Կնեսեթում։
Սիսին խուսափում էր Նեթանյահուի հետ խոսելուց Գազայի պատերազմի ժամանակ և սկզբում չէր հրավիրել Իսրայելի վարչապետին այսօրվա գագաթնաժողովին, հաղորդում է Times of Israel-ը։
Եգիպտոսի նախագահականը ևս հաստատել է Նեթանյահուի մասնակցությունը հավաքին։ Նշվում է, որ Իսրայելի վարչապետ Բենիամին Նեթանյահուն ավելի ուշ կմիանա Եգիպտոսում կայանալիք միջազգային խաղաղության գագաթնաժողովին, որը համանախագահելու են ԱՄՆ նախագահ Թրամփը և նրա եգիպտացի գործընկեր Աբդել Ֆաթահ ալ-Սիսին։
Այս լուրերի տարածման ֆոնին՝ Իսրայելի վարչապետի գրասենյակը հերքել է, որ Նեթանյահուն կմասնակցի Շարմ էլ Շեյխի գագաթնաժողովին։ Տարածված հայտարարությունում նշվում է, որ Դոնալդ Թրամփն իսկապես հրավիրել է Բենիամին Նեթանյահուի գագաթնաժողովին, սակայն Իսրայելի վարչապետը շնորհակալություն է հայտնել նախագահ Թրամփին հրավերի համար՝ հավելելով, որ չի կարողանա մասնակցել ժամանակացույցի պատճառով, որը համընկնում է տոնի սկզբի հետ։ Վաղը երեկոյան սկսվում է հրեաների Սիմխատ Թորան։
Հավելենք, որ ՀԱՄԱՍ-ը նույնպես հայտարարել է, որ չի մասնակցելու տարածաշրջանային և միջազգային առաջնորդների հետ «խաղաղության գագաթնաժողովին»։
Թարգմանությունը՝ Էմմա Չոբանյանի
