30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Նոր սկիզբ. Թրամփը հայտարարել է Գազայում պատերազմի ավարտի մասին
Քաղաքականություն
13.10.2025 | 14:06
ԱՄՆ նախագահ Դոնալդ Թրամփը ժամանել է Իսրայելի խորհրդարան (Կնեսեթ), որտեղ պետք է ելույթ ունենա օրենսդիրների առջև՝ Մերձավոր Արևելքի խաղաղության իր ծրագրերի վերաբերյալ, գրում է France 24-ը։
Իսրայելի խորհրդարանի խոսնակ Ամիր Օհանայի և վարչապետ Բենիամին Նեթանյահուի մասնակցությամբ դիմավորման արարողությունից հետո Թրամփն ասել է, որ այս այցը «մեծ պատիվ» է։ Նա նաև հետևյալ բովանդակությամբ գրառում է կատարել Կնեսեթի հյուրերի գրքում․ «Սա իմ մեծ պատիվն է՝ մեծ և գեղեցիկ օր։Նոր սկիզբ»։
Լրագրողների հետ զրույցում էլ Դոնալդ Թրամփը հայտարարել է, որ Գազայում պատերազմն ավարտվել է։
«Հիանալի օր է։ Սա բոլորովին նոր սկիզբ է, և ես չեմ կարծում, որ երբևէ նման իրադարձություն եղել է։ Փողոցներում սերը պարզապես անհավանական է»,- ասել է Թրամփը։
Հարցին՝ ի՞նչ է սպասվում ՀԱՄԱՍ-ն, եթե այն չհետևի հրադադարի պայմաններին, Թրամփը պատասխանել է. «Նրանք կհետևեն»։
Նախկինում ԱՄՆ նախագահը նշել էր, որ ՀԱՄԱՍ-ի զինաթափման հարցը կլուծվի խաղաղության ծրագրի երկրորդ փուլում։
Սակայն առնվազն հրապարակայնորեն ՀԱՄԱՍ-ը, կարծես, մերժում է զինաթափման գաղափարը։
Հիշեցնենք, որ ԱՄՆ նախագահն այսօր Իսրայել է ժամանել, որտեղ նախատեսվում է նրա ելույթը երկրի խորհրդարանում։ Այնուհետև նա կմեկնի Եգիպտոս՝ մասնակցելու Մերձավոր Արևելքի խաղաղության գագաթնաժողովին։ Այս հավաքին հրավիրված է նաև ՀՀ վարչապետ Նիկոլ Փաշինյանը։
Թարգմանությունը՝ Էմմա Չոբանյանի
