19.05.2026 | 13:32
ՌԴ-ում միջուկային ուժերի զորավարժություններ կանցկացվեն՝ ավելի քան 64,000 անձնակազմի մասնակցությամբ
ՀԱՄԱՍ-ն ազատ է արձակել իսրայելցի պատանդների 13 հոգանոց երկրորդ խմբին. ողջ մնացած բոլոր պատանդները վերադարձվել են
Քաղաքականություն
13.10.2025 | 12:55
Պաղեստինյան ՀԱՄԱՍ խմբավորումը Կարմիր Խաչի միջազգային կոմիտեին է հանձնել 13 իսրայելցի պատանդներից բաղկացած երկրորդ խմբին։ Այս մասին հաղորդել է Իսրայելի հանրային ռադիոն, փոխանցում է The Guradian-ը։
ՀԱՄԱՍ-ը հաստատել է տեղեկությունը։ Սա նշանակում է, որ ողջ մնացած բոլոր իսրայելցի պատանդներն ազատ են արձակվել։
Հիշեցնենք, որ հրադադարի համաձայնագրի պայմանների համաձայն՝ այսօր առավոտյան պետք է ազատ արձակվեին 20 ողջ մնացած պատանդներ, ինչպես նաև վերադարձվեին մինչև 28 մահացած պատանդի մարմինները։
Միաժամանակ, լրատվամիջոցները հայտնում են, որ պաղեստինցի բանտարկյալներով ավտոբուսները, որոնք պետք է ազատ արձակվեն պատանդների և գերիների փոխանակման շրջանակում, դուրս են գալիս Իսրայելի Օֆեր բանտից, որը գտնվում է օկուպացված Արևմտյան ափին։
Այսօր ավելի վաղ ՀԱՄԱՍ-ը 7 իսրայելցի պատանդների էր ազատ արձակել։
Թարգմանությունը՝ Էմմա Չոբանյանի
