08.06.2026 | 20:51
«Ռեալը» ՈՒԵՖԱ-ին խնդրել է «Բարսելոնային» զրկել տիտղոսներից
Ուկրաինական ԱԹՍ-ները Ղրիմում հարձակվել են Թեոդոսիայի նավթաբազայի վրա․ ՏԵՍԱՆՅՈՒԹ
Քաղաքականություն
13.10.2025 | 10:59
Ուկրաինական անօդաչու թռչող սարքերը հոկտեմբերի լույս 13-ի գիշերը բռնակցված Ղրիմում հարձակվել են Թեոդոսիայի նավթաբազայի վրա։ Այս մասին հայտնել է Ղրիմի ղեկավար Սերգեյ Աքսյոնովը, գրում է Meduza-ն։
Հարձակման հետևանքով հրդեհ է բռնկվել, սակայն տուժածներ չկան։ Ըստ Աքսյոնովի՝ ՀՕՊ ուժերը խոցել են ավելի քան 20 անօդաչու թռչող սարք։
Ռուսաստանի պաշտպանության նախարարությունը հայտնել է, որ ՀՕՊ ուժերը գիշերը ոչնչացրել են ուկրաինական 103 անօդաչու թռչող սարք, այդ թվում՝ 40-ը՝ Ղրիմի վրա։ Եվս 26 անօդաչու թռչող սարք է խոցվել Աստրախանի մարզի, 19-ը՝ Սև ծովի, 14-ը՝ Ռոստովի մարզի, երկուսը՝ Ազովի ծովի, մեկական՝ Բելգորոդի մարզի և Կալմիկիայի Հանրապետության վրա։
Ռոստովի մարզում էլ Բելայա Կալիտվայի երկու բնակիչ է վիրավորվել մասնավոր տան վրա անօդաչու թռչող սարքի անկման հետևանքով, հայտնել է նահանգապետ Յուրի Սլյուսարը։ Նա ասել է, որ անօդաչու թռչող սարքը կեսգիշերին մոտ ընկել է տան վրա՝ փլուզելով տանիքը և հրդեհ առաջացնելով։ Տուժածները ստացել են բեկորային վնասվածքներ։
Թարգմանությունը՝ Էմմա Չոբանյանի
