11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
«Ռոսսոտրուդնիչեստվո»-ն բանակցում է Բաքվում «Ռուսական տան» գործունեության վերսկսման հարցով
Քաղաքականություն
10.10.2025 | 21:23
«Ռոսսոտրուդնիչեստվո»-ն կապի մեջ է ադրբեջանական կողմի հետ՝ Բաքվում «Ռուսական տան» գործունեության աշխատանքի վերականգնման հարցով կոնսենսուս գտնելու համար։ Այս մասին ՌԻԱ Նովոստիին ասել է գործակալության ղեկավարի տեղակալ Պավել Շևցովը։
«Մենք մշտական կապի մեջ ենք ադրբեջանական կողմի հետ՝ ռուսական տեղեկատվական և մշակութային կենտրոնի գործունեությունը վերսկսելու համար ճիշտ կոնսենսուսի որոնման վերաբերյալ»,- ասել է Շևցովը։
Նա հավելել է, որ Ռուսաստանի և Ադրբեջանի միջև ճգնաժամի ամբողջ ընթացքում «Ռոսսոտրուդնիչեստվո»-ն, Ռուսաստանի դեսպանատան և ԱԳՆ-ի հետ միասին, «չի դադարել գործակցել ադրբեջանական կողմի հետ «Ռոսսոտրուդնիչեստվո»-ի կենտրոնի աշխատանքի վերականգնման թեմայով»։
Հիշեցնենք, որ Ադրբեջանի իշխանությունները, ՌԴ-ի հետ հարաբերությունների լարվածության ֆոնին, փակել են Բաքվի Ռուսական տունը։ 2025 թվականի փետրվարի 3-ին Ադրբեջանի ԱԳՆ-ն ռուսական կողմին նոտա էր ուղարկել Ռուսական տան գործունեության դադարեցման մասին։
Դուշանբեում ՌԴ-ի և Ադրբեջանի նախագահներ Վլադիմիր Պուտինի ու Իլհամ Ալիևի հանդիման ֆոնին այսօր ավելի վաղ հաղորդվել էր, որ «Sputnik Ադրբեջանի» տնօրենն ազատ է արձակվել կալանքից։
Թարգմանությունը՝ Էմմա Չոբանյանի
