12.01.2026 | 18:00
Չինաստանը դեմ է «այլ երկրների ներքին գործերին միջամտելուն», Գերմանիան և Կանադան դատապարտում են բռնությունները
«Sputnik Ադրբեջանի» տնօրենն ազատ է արձակվել կալանքից
Քաղաքականություն
10.10.2025 | 14:15
Բաքվում ձերբակալված «Sputnik Ադրբեջան»-ի գործադիր տնօրեն Իգոր Կարտավիխն ազատ է արձակվել, հայտնում են ադրբեջանական լրատվամիջոցները։
Հաղորդվում է, որ այս մասին «Կոմերսանտի» հատուկ թղթակից Անդրեյ Կոլեսնիկովին ասել է Ռուսաստանի նախագահի օգնական Յուրի Ուշակովը։ Ըստ նրա՝ որոշումը կայացվել է Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի Դուշանբեում կայանացած հանդիպման նախօրեին։
Իր հերթին, ռուսական կողմն ազատ է արձակել Ռուսաստանի տարածքում ձերբակալված Ադրբեջանի քաղաքացիներից մեկին։
Հավելենք, որ «Sputnik Ադրբեջան»-ի գործադիր տնօրեն Իգոր Կարտավիխը և գլխավոր խմբագիր Եվգենի Բելոուսովը ձերբակալվել էին 2025 թվականի հունիսի 30-ին՝ Ադրբեջանի ՆԳՆ-ի կողմից անցկացված գործողության ժամանակ։
Բաքվի Խաթայի շրջանային դատարանի որոշմամբ՝ նրանք կալանավորվել էին 4 ամսով։
Թարգմանությունը` Էմմա Չոբանյանի
