13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Հայաստանը ԵՄ-ի առանցքային գործընկերն է. Ուրսուլա ֆոն դե Լեյեն
Քաղաքականություն
03.10.2025 | 16:15
Մենք շատ բովանդակալից զրույց ունեցանք վարչապետ Նիկոլ Փաշինյանի հետ։ Այս մասին X-ում գրել է Եվրահանձնաժողովի նախագահ Ուրսուլա Ֆոն դե Լեյենը՝ անդրադառնալով նախօրեին Կոպենհագենում Եվրոպական քաղաքական համայնքի 7-րդ գագաթնաժողովի շրջանակում Եվրոպական խորհրդի նախագահ Անտոնիո Կոշտայի և ՀՀ վարչապետ Նիկոլ Փաշինյանի հետ հանդիպմանը։
«Մենք շնորհավորեցինք Հայաստանին՝ Վաշինգտոնում Ադրբեջանի հետ Թրամփի աջակցությամբ ձեռք բերված նշանակալի առաջընթացի համար։ Սա կարևոր քայլ է տարածաշրջանում խաղաղության և կայունության ուղղությամբ։ Մենք վճռական ենք՝ խորացնելու մեր համագործակցությունը։ Հայաստանը ԵՄ-ի համար առանցքային գործընկեր է»,- նշել է նա։
Ֆոն դեր Լեյենն ընդգծել է, որ «Գլոբալ դարպաս» ռազմավարության միջոցով կխթանեն տարածաշրջանային հաղորդակցությունը՝ ընդգրկելով առևտուրը, տրանսպորտը, էներգետիկան և թվային ոլորտները։
«Անհամբեր սպասում ենք 2026 թվականի առաջին կեսին Երևանում կայանալիք Եվրոպական քաղաքական համայնքի հաջորդ գագաթնաժողովին»,- հավելել է նա։
Անտոնիո Կոշտան իր հերթին նույնաբովանդակ գրառում է կատարել X-ի իր միկրոբլոգում։
Թարգմանությունը՝ Էմմա Չոբանյանի
